好驚d Selivasationists 唔係好識點同佢地溝通 呢個字字典搵唔到 要問黃子華先知道明確註解 但經過 Selivasation 既人就通街都係 好可怕 呢d人通常有幾個特徵 非常易認 特徵一：有佢講無人講 有野永遠佢講先，人地既意見就遲d先傾 or 聽唔到啦！ 特徵二：不斷重覆又重覆 唔知係驚人地聽唔明佢講咩，定係其實佢都唔係好清楚自己講緊咩，一句野硬係要重覆重覆又重覆講幾次先肯收聲。仲要句句都好長下咖喎！ 特徵三：突發性失憶 重要既野唔記得。無講過當自己有講過。剛剛講完既野就唔記得已經講左…諸如此類。 特徵四：經常有問題 呢d人可能特別好學，事關特別鐘意發問。d問題仲鬼死咁尷尬，搞到唔係好識點答。例如一朝早o係學校見面打招乎，佢會問 『呀邊個邊個呢？』 『唔知』 『佢o係邊呀？』 『唔見。無返掛』 『點解佢唔返既？』 又例如佢題醒你一陣要send個e-mail比某人。呢頭講完o個頭就問 『你去邊呀？』 『用電腦』 『做咩呀？』 『send e-mail』 『比邊個呀？』 仲有個問題佢地會無時無刻掛o係嘴邊 『What are you doing? 』 只係純粹為問而問既一個問題。見你做乜都問一次。應佢又o徒氣唔應佢又無禮貌。真係唔知點算好。 特徵五：少少事就瓜瓜嘈 從來唔可以心平氣和去解決問題。一有咩事就瓜瓜瓜瓜瓜瓜瓜瓜瓜瓜瓜瓜瓜瓜!!!!!! 搞到個個心都煩埋，陪佢一齊燥。 特徵六：絕大部份係女人 作為女人都不得不承認大部份經過Selivasation既都係女人。仲要年紀愈大愈嚴重。真係好驚好驚自己有日都會被『師奶化』左… 眼見好多差唔多年紀既人都已經有明顯師奶化特徵，心裡面不禁嘆道『唉…仲咁後生…真係可惜…』 不過唔好搞錯！呢d人人格未必有問題。有d仲幾nice。 但如果要合作做正經野就唔係咁好囉唔該… | 
